اشعار طنز ترکی
چپیش اؤغروسی :
گؤردولَر ايش لَريمي !
سایدیلا ديش لَريمي !
دونن اؤغورلادیلار
ارکَک چپيش لَريمي!
================
خيار اؤغروسي :
اؤغورلادی خياري !
صؤرا آشدی دوواری !
همان خيار اوغروسي
اوغورلادي قطاري ! !
=================
اَیری آغاج :
درديمين يوخ عیلّاجي !
آهاي يول كسن حاجي!
سني گؤرنده سالّام
يادا اَیری آغاجي ! !
===================
پيس ايش :
گؤي دَن ياغان ياغيش دير !
پاییزين دالی قيش دير !
قيزلارا گؤز اِیلَمَه
آي قوجا بو پيس ايش دير ! !
====================
آرواد آغيز:
قورو کاغیذاولوب سان !
کیشی لاپ قیز اولوب سان !
بو سؤزلر سنين دئيیل
آرواد آغيز اولوب سان ! ! !
======================
خوش گچير :
باشلاميشام يالاني
فتح ائتمیشم قالانی
آي جماعت خوش گئچر
قوزایاندا گداني !!!
=====================
پارتلاماق:
اثر ائتمور دوالار!
كسرسیزدی دعالار !
باهاليق گوج گتيرير !
پارتلایاجاق گدالار !!
=====================
دلار...
خيار باها اولوبدور !
نوار ! باها اولوبدور !
دونَن گئجه يار دئدي:
دلار باها اولوبدور ! !
========================
ال آپارما
ياناقلارين شرارا !
سنون قاش ؛ گؤزون قارا !
آی قره چی مسافر
اَل آپارما خيارا
=======================
باغيشلاماق :
دنیز قیراغی ماسا
هي دوشمه التماسا !=
باغيشلارام من سني
آنان گَلسه كلاسا ! !
=======================
تحريك ائله مک:
كندیميزدًه مني اول«گول پري» تحريك ائلَدي !
چکدي بير آز دالیا روسري ؛ تحريك ائلَدي !
گئیینوب دار توماني سالدي گؤتون لاپ ائشيگه !
هَلَه من هئچ ؛ قوجا«حاج اصغري»تحريك ائلَدي!
من كي شورگؤز دئيلم ؛ سيز كيمي والله منيده
»پريه» باخماديم ؛ اما «زري» تحريك ائلَدي!
مين قلم ائوده دوزَلتدي اؤزوني چيخدي چؤله
بازارا گَلدي كچل مسگري تحريك ائلَدي !
بير بوشانميش قاديني گؤرودم او گون محضرده !
اؤ خومار گؤزلري سَردَفتري تحريك ائلَدي !
يئمَه ديم قيمه تويوق آما خياباندا مني
بوش قارينلا يئمَگَه ؛ بَربَري تحريك ائلَدي !
اختلاس اِئتديم اگر دانلامایین من یازیقی
یؤخ گناهیم ؛ منیدَه «خاوري» تحريك ائلَدي!
=====================
قاچماق :
بوش قاليب دي تولوقلار !
قیشدی گَلیر سويوقلار
قاچيب بیزیم سفره دن
جوجه لرله تويوقلار!!
====================
قازانماق:
عشقين اودوندا ياندي
يار باشينا دولاندي
مین یول جماع ايلَدي !
تا بير قؤدوق قازاندي!!
=====================
حيات يولداشي :
اوّل قارداشي اولد ي !
سونرا اويناشي اولدي !
چيلپاق ائوده دوتدولار
حيات يولداشي اولدي!!
=====================
كيشي نين بوينو :
گئچيب گراز بوينوني !
ييخماز آراز بوينوني !
مفته مال یئیَن گوندن
بالتا ویرماز بوينوني !!
====================
ساتيشا قويماق
گوستردي اؤزون مومن او ايمانسيز آدام
چكدي يوخاري هر زادي وجدانسيز آدام
از بس كي زمانه گوج گتيردي بير گون
قويدي ساتيشا هر زادي تومانسيز آدام !
======================
بوشلاماق
»مش رمضان» گؤرد ي باهاليق ا ولوب
یؤخسول اولوب جيبلاري هئچلن دولوب !
بؤرجلی دوشوبدور ؛ اینگي جوت دوغوب !
سفره ني آرواد اوشاقي بوشلادي
بال ؛كره ؛ قايماق ييماقي بوشلادي !
پيس جور آجيقلي اولوب آرواديله !
دشمن اولوبدور هر اورک شاديله !
چیرپیشاجاق آخیری داماديله !
تختي ؛ پتوني ؛ اتاقي بوشلادي !
بال ؛كره ؛ قايماق ييماقي بوشلادي !
بیر چؤله چیخمیر ؛ گئده تا بير يانا !
بير كره هر ايلده گئدَر ميدانا !
ميوه آلار ؛ هي سايا دانا دانا !
گئت ؛ گلي ؛ حتی قوناقي بوشلادي
بال ؛كره ؛ قايماق ييماقي بوشلادي !
هَم عمی نی ؛ هم دايي ني پيسلیير
اوانلارا خاطر اؤزونو هي دؤير !
هم یادا ؛ هم فامیلینه پیس دییر
بالدیزيني ؛ باجناقي بوشلادي !
بال ؛كره ؛ قايماق ييماقي بوشلادي !
خرجی آغیردی ؛ بوراخیب بوسه ني
ترك اِئلدی سئوملي سنبوسه ني !
گؤنده قوجاقلير يوخودا كوسه ني !
ايستي قوجاقي ؛ ياناقي بوشلادي !
بال ؛كره ؛ قايماق ييماقي بوشلادي !
=======================
آموزش لغات تركي :
ما به گربه «پيشيك» مي گوييم !
به «ننو » هم « بئشيك » مي گوييم !
سيلي آبداررا «شاپالاق »!
به لگد هم « تپيك » مي گوييم !
چونكه جيب تو مي شود «سوراخ »!
همه با هم « دليك » مي گوييم !
بچه ها را « جوجوق »،«اوشاق »،«نارين »
«ريزه» را هم «كيچيك » مي گوييم !
پشم ها را چو مي زند حلاج
ما به آنها «ديديك » مي گوييم !
در عروسي به وقت رقصيد ن
«كف زدن » را «چه پيك »مي گوييم !
آب را «سو » ، به گاونر «جؤنگه »!
كوزه راهم «تيليك » مي گوييم !
چونكه در دشت سايبان ديديم
شادمان «كولگه ليك » مي گوييم !
قله هاي بلند را «زيروه »!
گرد نه را «گديك » مي گوييم !
هر كجا مغز «استخوان ديدي »
ما به آن هم « ايليك » مي گوييم !
قرص و محكم به اندرون «ايچره »
و به بيرون «ايشيك » مي گوييم !
چون بريدند گوشهايت را
به «بريده »،«كسيك » مي گوييم!
ميو ه اي را كه هست «زرد آلو »
ما به تركي «اريك » مي گوييم
روزنامه اگر كه مي خواني
مابه آن « گونده ليك » مي گوييم !
آدم بي شعور را « ائششك »!
علم را هم «بيليك »مي گوييم !
======================
اهرين زلزله سي :
قهر ائديب پير و جوانه اهرين زلزله سي
عالمي گتدي فغانه اهرين زلزله سي
ورزقان شهرينی ييخدي ؛ هريسی ائتدي وئران
يئنه قاتدي قاني قانه اهرين زلزله سي
اولدوروب كؤرپه ني ، آغ ساققالی ؛ آغ بیرچگیده
باخمادی خانه ؛ چوبانه اهرين زلزله سي
تو كدي يارپاق كيمي اينسانلاري ظولمیله يئره
اوخشادی باد خزانه اهرين زلزله سي
مردمين كونلوني يانديردي ؛ یامان ائتدي كباب
اود ويران واختدا تيكانه اهرين زلزله سي
تازه دامادیله ، تازه گليني اؤلدوردي
قوجاني سالدي زیانه اهرين زلزله سي
باخمادي فقره ، اوروج آغزا ، ساري رخساره
شب قدره ، رمضانه ، اهرين زلزله سي
كيمسه سيز خلقین ائوين ييخدی ؛ داغیتدی تیفاقین
ویردی اود خُرد و کلانه اهرين زلزله سي
پايه سيز ائولري ديوانه فلك ويردي يئره
گوجونو قويدو قاپانه اهرين زلزله سي
قيزلارين ياخشي تخيّوللاري ، رؤيالاريني
دوندریب گؤر نه يامانه اهرين زلزله سي !!
من كي تصوير ائده بيلمم بو يامان فاجعه ني
وصفی گلمز که بيانه اهرين زلزله سي
اردبيل شهريني ؛ گيلاني تكان وئردي تمام
چاتدي قزوين ؛ همدانه اهرين زلزله سي
يئنه بو زلزله بش گونده چيخار يادلاردان
کاش مسئوللار اويانه ؛ اهرين زلزله سي !!!!!!
======================
المپيك اختلاس :
يوخسول آدام كي شُهره اولوبد ور رياضته !
احسنت اونداکی د ؤزومه ؛ استقامته !!
صفده ازيلدي جوجه تك اولد ي د يديك ديد يك !
چاتدي تويوق صفينده عم اوغلي شهادته !!
من ايستيرم سني بوراخيم ؛ سن بوراخميسان !
قالدي طلا قيميز بیزیم آرواد قيامته !!
خلقين ايچينده چونكي قباحتلید ور طلاق !
آرواد كيشيلر اوز گَتيريبلر خيانته !
ايراندا باشلا نيبد ير المپيكِ اختلاس !
بير عدّه اوغرولوقدا دوشوبلر رقابته !
مسجد ده گؤردي بيركَره بير نازلي قامتي
ساتدي بهشتي زاهدِ عاقل او قامته !
اودلاندي دادگاهدا الي بوش آدام دئدي :
«قاضي كي رشوه آلماسا گئتمز قضاوته»!
ائوده د ئدي كي:«من گئديرم مشهده صاباح»!
تايلنده گئتدي حاجي فلانی زيارته !!
اوغرولارين رئيسينه يازد يم دونن گئجه :
«توت اوغرولاري ؛ چون ائويميز گئتدي غارته» !
قارداشلارين شعاري بودور: قوزا هر زادي !
باخما حلال ؛ حرامه توپورسن قباحته !!
سن وئر رياستي منه ؛ باخ گؤر كي من نئجه
ميليارد اختلاس ائله رم ايكّي ساعته !!
ویرما مني آجيقلي قادين ؛ سويله ؛ گول بير آز
چاتدير مني زميني بهشتده سعادته !
شعريم غلط دئييل بیلورم وار فصاحتی
آمما اهميّت وئره رم من بلاغته !!
========================
اليم چاتمادي
جوجه ، تويوق ، رانا ا ليم چاتمادي !
د لبر جانانا اليم چاتمادي!
رشوه ني وئرديم گوزل افسرلره!
چونكي گروهبانا اليم چاتمادي!
لوت گزيرم كوچه ده مجنون كيمي !
دينمه كي تومّانا اليم چاتمادي !
توتدوم اوروج ،كعبه ده قيلديم ناماز !
آللاها ، ايمانا اليم چاتمادي!
ميزي سِئوَن حاكمي گئتديم گؤرَم
مشه نقي دربانا اليم چاتمادي !
گلدي يوخوما «حاجي اكبر » دئدي :
»حوريا ، غلمانا اليم چاتمادي «
سن هله مین موفته «پرادو»لاري
دنده يه ، فرمانا اليم چا تمادي!
شيطانا درس اؤيره د يسن ، هي دئمه
ايزد سبحانا اليم چاتمادي !
سفره قيراغيندا اوتوردوم ، ولي
قیمه ، فیسنجانا اليم چاتمادي !
ديش وئريب آرپا چورگین وئرمَدي
صاحب دندانا اليم چاتمادي !
قسمتم اولدو قورو حسرت يئمَك
باغا ، گلستانا اليم چاتمادي !
تاكي سيزين وارليغيزي يوكليه م
پيكانا ، نيسانا اليم چاتمادي !
قويماديلاركي اؤزومو اؤلدوروم
نقطه ي پايانا اليم چاتمادي !!
========================
تويوقون ايشلري :
سالدي تويوق مملكته ولوله !
ولوله دوشدو هامي يئرده ائله !
صف ده دوروب«حاجي حسن»بئش ساعات !
آلدي تويوق يولدا چكير هلهله !
حسرتيله يوخسول آدام ييرتيليب !
بس كي واري وارلي ايله فاصله !
بيزكي يالان دير هامي گفتاريميز
سيزد ه يالانچي آداميز ها بئله ؟ !
هرنه گلير باشيميزا حاققيميز -
دير، يوخوموز آيري آدامدان گله !
اوغرو اولا قافله سالار اگر
اوغرو چيخار اوغرو ؛ هامي قافله
آج آدامين ؛ بَللی دی دويماز گؤزو
آجدي بیزیم ملتيميز يا دَله ؟
گلسه قوناق بوش اليلن نیلریک
فیکر ائلریک اوندا گليب زلزله !
شعري بوراخ ؛ پول دالينا گئت اوغول !
شعر اوخويان كيمدی ؟ وارون حوصله
باشيمی سالما اؤیونا آي فلک
بیر گئجه ده قوي اورگيم دينجله
=======================
دينمه سن :
گر باها اولدو تويوق ، اَت ، دينمه سن !
يوخسول انسان تاپما جرات ،دينمه سن
گؤزلرين باغلا اگر اوغرو آدام
هامي زادي ائتدي غارت ، دينمه سن !
چوخ يالان سؤزلر ائشيتددين ساكت اول !
واريدير اوغلان قباحت ! دينمه سن !
پوللارريله ملتين اؤغرو كيشي
ائتدي مغربد ه سياحت ، دينمه سن !
سنده یوخدور پول كفن آلماقلیقا
دؤستووین وار اَللی شركت ، دينمه سن !
توكدولر آشغال اگر مردم يئره
هي دئمه بو خلقه لعنت ، دينمه سن !
غم يئمه گؤردون اگر يالتاق آدام
ايليور بو خلقه خدمت ، دينمه سن !
هي دئمه نكبت دی هامي زندگيم
»حاجي اكبر » ، «حاجي نعمت » ، دينمه سن !
چوخدور ائششك ، همده كي ائششك مينن
تاكه وار قارداش حماقت ، دينمه سن !
قوي فلانی لر يئسين بیت المالی
آي اُلَن لریوه رحمت دينمه سن !
========================
اغري :
زاهد يالان دئدي ؛ هامي زادي اوغورلادي !
آللاهي ؛ اعتقادي ؛ معادي اوغورلادي !
گئتديم دونن دواخانايا ؛گلد ي بير نفر
شربت ؛ سرنگي ؛ قرصي ؛ پمادي اوغورلادي !
اولدی رئيس شهريميزين بي سوادي تا
مدرك دوزلتدي ؛ علم و سوادي اوغورلادي !
تا كي اونون حكومتي چوخ پايدار اولا
شمري ؛ يزيدي ؛ ابن زيادي اوغورلادي !
يوخسول بالاسي مدرسه ده همّت اِيلَدي
دفتر ؛ كتابي ؛ پولي ؛ مدادي اوغورلادي !
ویردی ستاد شهريميزين اوغروسی اگر
اوغری رقيبی گلدي ستادي اوغورلادي !!
يؤل تاپدي تا خزانه يه «حاجي مراد يميز»
ائتدي اشاره پوللاري «هادي» اوغورلادي !!
مامور آد يلا« رمضان»؛ چیخدی داملا را
ديشي ؛ «ال.ام.بي.»ني ؛ هامي زادي اوغورلادي!!
============================
نقاشي ،حاجي سؤزه باخ و ايزايتيرمه
نقا شي :
تكراري اولوب چونكي حيات يولداشي!
يول تاپدي اونون قلبينه ناز اويناشي !
بو زندگيلر فاجعه دير دينمه منه
بو جامعه ني من ائديرم نقاشي !!
=======================
حاجي :
مردم دئديلر كي : باد ه ايچمز حاجي !
چؤ دوشدي واري ارداه ؛ ايچمز حاجي
گؤردوم اوتوروب سئومه لي يار آلتيندا
بيلديم كي شرابي ساده ايچمز حاجي !!
==========================
سؤزه باخ :
يرمي دانا ويلا وارين ؛ اون بش دانا كاخ !
مال داليجا گئتمه ؛ بي خيال اول سؤزه باخ !
بير گون سني د ه آتان كيمي اولدوره جاق
آخماق كيشي گل بو تحفه دونياني بوراخ !
=========================
ايز ايتير مه :
ايمان سيز آدام ! حجه ؛ طوافه گتمه !
بير دفعه کی گئتموسن ؛ اضافه گئتمه !
مسجد يئرينه گون اؤرتالار ؛ آخشاملار
مومن كيشي«خانۀ عفافه»گئتمه !
